Trygg at vitja

Føroyska ferðavinnan hevur fingið eitt nýtt góðskumerki, sum á enskum hevur fingið heitið Safe to Visit.

Kanningar vísa, at tá fólk fara at ferðast aftur, fara tey at seta stór krøv til ma. reinførið og frástøðu. Hetta verður galdandi í allari ferðavinnuketuni. Frá flutningi, til hotel, til fundarstøð, til matstovur, upplivingar og annað.

Føroyska ferðavinnan tekur hetta í sera stórum álvara.

Saman við Fróðskaparsetri Føroya, Bjarna á Steig, yvirlækna, og Pál Weihe, professara, varð skipað fyri skeiði nevnt:

Corona Virus – Protection and Preventive Measures in the Tourism Industry

Stórir partar av vinnuni tóku lut og løgdu mannagongdir fyri alt teirra virksemi saman við fremstu koronuserfrøðingum í Føroyum.

Lena Lambaa, smittuverjufrøðingur, Shahin Gaini, serlækni PhD og Lars Fodgaard Møller, landslækni, undirvístu eisini á skeiðnum.

Øll virki, sum luttóku á degnum, fingu eitt góðskumerki kallað Safe to Visit og skeiðsprógv frá Fróðskaparsetri Føroya.

Mynd eftir Leit / Finnur Justinussen